इटहरी–अब पासपोर्टको फर्म भर्नका लागि घण्टौं लाइन लाग्न तथा सदरमुकाम धाउन नपर्ने भएको छ । सरकारले अनलाइनबाटै पासपोर्टको आवेदन लिने व्यवस्था मिलाउन लागेको छ ।

सरकारले चाँडै नै पासपोर्टको आवेदन अनलाइनमार्फत् लिने व्यवस्था गर्न लागेको विज्ञान तथा प्रविधि मन्त्रालयअन्तर्गतको प्रमाणिकरण नियन्त्रक लक्ष्मीप्रसाद यादवले बताएका छन् ।
सुनसरीको इटहरीमा आयोजित युवा सचेतिकरण कार्यक्रममा बोल्दै उनले केही हप्ताभित्रै पासपोर्टको आवेदन अनलाइनमार्फत् गर्न सकिने जानकारी दिएका हुन् ।
कार्यक्रममा अनलाइन कारोबारलाई सुरक्षित बनाउन पासवर्डको प्रयोग गर्न समेत सुझाएका छन् । उनले अनलाइनको गलत प्रयोग गर्नेलाई हुने कानुनी कारवाहीको विषयमा समेत जानकारी दिएका थिए ।
प्रतिक्रिया दिनुहोस् >>