काठमाडौ, नेपाली टिमका प्रशिक्षक पुबुदु दसानायकेले न्युजिल्यान्डमा हुने वान–डे विश्वकप छनोटका लागि टिममा केही बदली हुन सक्ने बताएका छन् । उनले कुन–कुन खेलाडी टिममा सामेल गर्ने भनेर नबताए पनि युवा पेस बलर सोमपाल कामी र लेग स्पिनर राजकुमार प्रधानको प्रशंसा गरे । उनले चोटबाट फर्केका पृथु बाँस्कोटाले पनि राम्रो गरिरहेको संकेत दिए । नेपाल क्रिकेट संघ (क्यान) ले आइतबार राष्ट्रिय टिमको औपचारिक रूपमा घोषणा गर्नेछ ।
चार टिम सम्मिलित जर्नी टु वल्र्डकप प्रतियोगिता आफ्ना खेलाडीलाई एक्सपोज गर्न राम्रो भएको उनले बताए । सबै खेलाडीलाई मौका दिएँ ।  कसको क्षमता कति छ र अब उसमा के सुधार गर्नुपर्छ भन्ने थाहा पाएँ, उनले भने,यसले न्युजिल्यान्डमा हुने वान–डे विश्वकप छनोटका लागि निकै सहयोग गरेको छ । उनले टिम छनोट गर्नका लागि यो प्रतियोगिताले धेरै सहयोग गरेको बताए । यहाँबाट हामीले धेरै कुरा सिकेका छौं र्। जसलाई आगामी दिनमा प्रयोग गर्नेछौं’ , उनले भने ।