बारा, बाराको को सपही -२ बगेवा टोलस्थित पिपलको रुखमुनी  चिसोले कठ्याङ्ग्रिएर  एक किशोरीको शव मृत अवस्थामा फेला परेको छ ।

नाम र थर खुल्न नसकेकी ति किशोरी अन्दाजी १४ -१५ वर्षीया रहेको कोल्हवी इलाका प्रहरी कार्यालयका प्रहरी निरीक्षक मुकुन्दराज खरेलले जानकारी दिएका छन् ।

किशोरीको मृत्यु चिसोले कठयाङग्रीर हुनसक्ने प्रहरीको अनुमान छ । उनको शव मंगलबार बिहान पौने नौ  बजे फेला परेको हो ।  स्थानीय बासिन्दाका अनुसार ति  किशोरी गाउँमा डुलेर माग्दै खाने मगन्ते भएको जानकारी दिएका छन् ।

किशोरीको शव पोष्टमार्टमाका लागि जिल्ला अस्पताल तर्फ लगिएको  प्रहरी निरीक्षक खरेलले बताए । घटना कलैया सदरमुकामबाट करिब २० किलोमिटर उत्तर-पूर्वमा पर्दछ । बारामा दुईदिन यत्ता निकै चिसो बढेको छ ।