ओखलढुङ्गामा बस दुर्घटना , एक जनाको मृत्यु
Posted by
purwanews
Published on
Saturday, November 16, 2013
ओखलढुङ्गा । ओखलढुङ्गामा एमाओवादी चुनावी सभाका लागि जाँदै गरेको बस दुर्घटना हुँदा एक जनाको ज्यान गएको छ ।
बसका सहचालक विकास कटवालको घटनास्थलमै ज्यान गएको हो । ओखलढुङ्गा सदरमुकामबाट निशङ्खेमा हुने चुनावीसभाका लागि जाँदै गरेको ना२ख २३११ नम्बरको गाडी ठूलाछाप–६ कुडुलेमा दुर्घटना भएको हो ।
दुर्घटनामा एमाओवादी केन्द्रीय सदस्य राम कार्कीसहित २३ जना घाइते भएका छन् । क्षेत्र नं १ का एमाओवादी उम्मेदवार केशव राई पनि घाइते भएको जिल्ला प्रहरी कार्यालय ओखलढुङ्गाका प्रहरी निरीक्षक भगिरथ रेग्मीले बताउनुभयो । घाइते सबैलाई ओखलढुङ्गास्थित सामुदायिक अस्पताल ल्याइएको छ ।
कार्की र राईसहित ११ जनाको अवस्था चिन्ताजनक छ । उनीहरूलाई उपचारका लागि हेलिकप्टरबाट काठमाडौँ ल्याउने तयारी भइरहेको छ । बस सडकबाट १५० मिटर तल खसेको छ ।
प्रतिक्रिया दिनुहोस् >>
