१ सय ५० सैनिकलाई मृत्युदण्डको सजाय
Posted by
purwanews
Published on
Tuesday, November 5, 2013
.jpg)
ढाका / बंगलादेशमा राजधानी ढाकास्थित बंगलादेशी राइफल्सको मुख्यालयमा भएको रक्तपात पूर्ण सैनिक विद्रोहमा आरोपित १ सय ५० जना सैनिकलाई मृत्युदण्डको सजाय सुनाइएको छ । ढाकाको नागरिक अदालतले सन् २००९ को फेब्रुवरी २५ मा भएको उक्त घटनामा संलग्न ८ सय भन्दा बढी आरोपित सैनिकलाई सजाय दिने सिलसिला समेत सुरु गरेको जनाएको छ ।
अदालतले दोषी सैनिकहरुमाथि हत्या, प्रताडन, षड्यन्त्र लगायतका विभिन्न आरोप लगाएको थियो । सैन्य अदालतले भने उनीहरुलाई पहिले नै दोषी ठह¥याइसकेको थियो ।
विद्रोहमा संलग्न करिब ६ हजार सैनिकले जेलमा सजाय काटिरहेका बीबीसीले जनाएको छ । उक्त सैन्य विद्रोहको घटनामा ५७ अधिकृतसहित ७४ जना मारिएका थिए । तलब र विभिन्न असन्तुष्टिहरुलाई लिएर आफ्ना सैनिक अधिकारी विरुद्ध दुई दिनसम्म भएको विद्रोहमा वरिष्ठ सैन्य अधिकारीहरु मारिएका थिए । उनीहरुको शव नालीमा फालेको पाइएको थियो ।
प्रतिक्रिया दिनुहोस् >>
