झापा, चुनावविरुद्ध आमहड्ताल र यातायात बन्दमा उत्रेको नेकपा-माओवादीले सोमबार झापामा एक जना उम्मेदारलाई अपहरणपछि दस घण्टा नियन्त्रणमा राखेर छोडेको छ । नेकपा माले झापा ३ का प्रत्यक्षतर्फका उम्मेदवार नवराज खरेललाई माओवादी कार्यकर्ताले अपहरणपछि उम्मेदवारी फिर्ता लिन दबाब दिएका थिए। बिहान साढे पाँच बजे घरैबाट अपहरणमा परेका उनलाई चुनाव औचित्यहीन रहेको विज्ञप्ती निकाल्न सहमत भएपछि छोडिएको थियो।