धरान / नेपाली कांग्रेसले सुनसरी क्षेत्र नं. १ को आफ्नो घरदैलो अभियानलाई तिव्ररुपले अगाडि बढाएको जनाएको छ।धरान ८ मा  भएको घरदैलो कार्यक्रममा भेला भएका कार्यकर्ता र स्थानीय वासीहरुलाई सम्बोधन गर्दै कांग्रेसका प्रत्यक्ष उम्मेदवार चन्द्र प्रसाद श्रेष्ठ र समानुपातिक उम्मेदवार मिना सुब्बाले लोकतान्त्रिक
संविधान, देशको विकास, शान्ति र स्थायित्वका लागि नेपाली कांग्रेसलाई विजय गराउन आग्रह गरेका छन् ।

करिव ५ सयको संख्यामा उपस्थित कार्यकर्ताहरुले नारा जुलुस सहित घरदैलो कार्यक्रम गर्दा घरघरवाट निस्केका वडावासीहरुले स्वागत गरेका थिए । कांग्रेसले हालसम्म धरान वडा नं. १, २, ३, ४, ५, ६, ९, १२ र पांचकन्याको मुख्य मुख्य स्थानहरुमा घरदैलो कार्यक्रम सम्पन्न गरिसकेको कांग्रेस क्षेत्रीय चुनाव प्रचार प्रसार संयोजक सुजेन्द्र तामाङले बताएका छन् । घरदैलो कार्यक्रम सम्पन्न भएका  वडाका सर्ब साधारणहरुले बधाई, शुभकामना दिंदै घरदैलो कार्यक्रममा स्वत: स्फूर्त साथ दिएको उनले जानकारी दिए ।