काठमाडौं/एनआरएनए को अध्यक्षमा शेष घले विजयी भएका छन् । विहान भएको मत परिणाम सार्वजनिकमा घलेलाई निर्वाचित घोषणा गरिएको थियो । अध्यक्षमा निर्वाचित घलेले ५ सय १० मत प्राप्त गरेका छन् भने उनका प्रतिद्धन्द्धि तेन्जी शेर्पाले २ सय ८० मत प्राप्त गरेका थिए ।  घले अष्टे«लियामा रहेका धनाढ्य नेपाली हुन् ।
उपाध्यक्षमा भवन भट्ट र टिवी कार्की विजय भएका छन् । भट्टले ३ सय ४८ र कार्कीले ३ सय मत प्राप्त गरेका थिए । त्यस्तै उपाध्यक्षमा पराजित हुनेहरु भवानी प्रसाद ओली २ सय ३, नरेन्द्र कुमार भाट १ सय ९५, विश्व आदर्श पण्डित १ सय ८३, प्रल्लाद केसी १ सय २४  र पेम्वा ग्याल्वु शेर्पाले ४७ मत प्राप्त गरेका थिए । त्यसैगरी सचिवमा रन्जु थापा विजयी भएका छन् । उनलाई २ सय ७३ मत प्राप्त भएको छ भने सचिवमा पराजित हुनेहरु पुष्पराज तिमिल्सिना २ सय १०, श्याम बहादुर तामाङ १ सय ६९ र रामचन्द्र खरेलले ९७ मत प्राप्त गरेका थिए ।
कोषाध्यक्षमा डा. बद्री केसी विजयी भएका छन् । उनले ४ सय ७४ मत प्राप्त गरेका छन् भने उनका प्रतिद्धन्द्धि अरुण कुमार श्रेष्ठले २ सय ८६ मत प्राप्त गरेका थिए । क्षेत्रीय संयोजकहरुमा एसिया प्रशान्त क्षेत्रमा गंगाराज राई, युरोप क्षेत्रीय संयोजकमा अर्जुन कुमार श्रेष्ठ र युवा संयोजकमा डा। राजेन्द्र प्रसाद पराजुली विजयी भएका छन् । यसैबीच नवनिर्वाचित अध्यक्ष घलेलाई अध्यक्षमा पराजित शेर्पाले सबैभन्दा पहिले शुभकामना दिएका थिए । उनले सफल कार्यकालको पनि शुभकामना व्यक्त गरेका थिए ।
निर्वाचित अध्यक्ष घलेले आफ्नो विजयी भनेको सवैको भएको भन्दै एनआरएनए अभियानलाई अघि बढाउन सवैको सहयोग चाहिने बताए । उनले एनआरएनएको भवन निर्माण गर्ने प्रतिवद्धता समेत व्यक्त गरेका थिए । निवर्तमान अध्यक्ष जीवा लामिछानेले प्रजातान्त्रिक अभ्यासमार्फत आएको भन्दै सबैलाई बधाई दिएका थिए । एनआरएनए अध्यक्षका लागि निर्वाचन भएको यो पहिलोपटक हो ।