अवैध कारोवार तथा चोरी तस्करीमा भएको कडाईको कारण विराटनगर भन्सार कार्यालयले चालु आ.व.को १२ महिनामा रु १२ अर्व ७७ करोड २१ लाख कूल राजश्व संकलन गरेको जनाएको छ ।

गत आ.व. २०६।६९ को तुलनामा करीव दुई अर्व  अत्याधिक राजश्व समेत संकलन गरको कार्यलयले जनाएको हो । गत आ.व.मा कूल रु १० अर्व राजश्व संकलन भएको थियो । कार्यालय प्रमुख राजेन्द्र दाहालका अनुसार बन्द , हडताल तथा सीमावर्ती जोगवनी भन्सारको केही दिन वन्दका वावजूद चालु आ.व. २०६९।७० मा लिएको लक्ष्यको  तुलनामा अत्याधिक राजश्व संकलन भएको बताएका  छन् ।

भन्सार कार्यालयका अधिकृत रामप्रसाद रेग्मीका  अनुसार रु १२ अर्व ५२ लाख राजश्व संकलन लक्ष्यको तुलनामा कूल १२ अर्व ७७ करोड राजश्व संकलन भएको छ । जसमा भन्सार राजश्व रु चार अर्व ३९ करोड २ लाख, मूल्य अभिवृद्धि कर रु सात अर्व ३५ करोड ९६ लाख, अन्तशुल्क ७४ करोड २४ लाख ९५ हजार तथा सडक सुधार वापत रु २८ करोड ६० लाख राजश्व संकलन भएको छ ।