धरौटी तिर्न नसक्दा पर्शुराम जेल चलान
Posted by
purwanews
Published on
Monday, June 10, 2013
विशेष अदालतले मागेको धरौटी तिर्न नसकेपछि विराटनगरमा डनका रुपमा चिनिएका पर्शुराम वस्नेत सोमबार जेल चलान भएका छन् । अवैध रुपम अकुत सम्पत्ति कमाएको अभियोग लागेका वस्नेतलाई सोमबार विशेष अदालतले २ करोड धरौटी मागेको हो । वस्नेतकी श्रीमती अन्जुसिंह वस्नेत भने साधारण तारेखमा रिहा भएकी छन् । वस्नेतलाइ केन्द्रीय कारागार पठाइएको छ ।
सम्पत्ती सुद्धिकरण विभागले अवैध रुपमा अकुत सम्पत्ति कमाएको आरोपमा वस्नेतमाथि विशेष अदालतमा मुद्दा दायर गरेको थियो । वस्नेतले ११ करोड ६१ लाख ४१ हजार ९ सय ७७ रुपैयाँ अवैध सम्पत्ति आर्जन गरेको आरोप छ । सोमबार बिहान श्रीमती अन्जु सहित विशेष अदालतमा वस्नेत आफै हाजिर भएका थिए । विभागले वस्नेत सहित डन भनेर चिनिएका अभिसेक गिरी, दीपक मनाङे, चक्रे मिलन र गणेश लामा माथि अवैध सम्पत्ति कमाएको अभियोगमा मुद्दा चलाएको छ । पत्रकार खिलानाथ कुटपिट आरोपमा पक्राउ पर्ने डरले भुमिगत भएका थिए पर्शुराम बस्नेत । हप्तौ भागेका उनी अन्ततः आफै आत्मसमर्पण गर्न प्रहरीकोमा पुगेका थिए ।
अघिल्लो घटनाले नै चेतिसकेका बस्नेत यसपटक भने विशेष अदालतमा मुद्धा दायर भएलगत्तै अदालत पुगेका हुन् । उनीलगायत पाँच जना डनमाथि मुद्धा दायर गरेकोमा अदालत पुग्ने उनी पहिलो व्यक्ति बनेका छन् ।
जेष्ठ २७
प्रतिक्रिया दिनुहोस् >>
