चौकिदारको ज्यादतीविरुद्ध कैदीबन्दी उत्रिएपछि सिन्धुली कारागार आइतबार तनाव ग्रस्त बेनेको छ।  चौकीदार निरन्जन खनालले ज्यादती गरेको भन्दै कारागारमा रहेका कैदीबन्दीहरु जेल सरुवाको माग गर्दै नाराबाजी गरेपछि कारागार तनावग्रस्त बनेको हो । अहिले कारागारमा कारागार प्रशासन र कैदिहरु बिच बार्ता भाईरहेको सिन्धुलीका डि एस् पि सानुराम भट्टराईले जानकारी दिए ।

चौकीदारले कारागारमा रहेका कैदीबन्दीहरुलाइ साता अघिदेखि यातना दिएको, रासनमा अपचलन गरेको, मनपरीरुपमा नाइके र भाईनाईके बनाएको कैदीबन्दीहरुको भनाई छ । यसअघि गत पुष १८ गते चौकीदारको ज्यादती सहन नसकेको भन्दै कैदीबन्दीहरुले चौकीदारको हत्या गरेका थिए । २५ जना क्षमता रहेको कारागारशाखामा १० महिला सहित ८७ जना कैदीबन्दी छन् ।