संविधान सभाको निर्वाचनको मिति घोषणामा असन्तुष्टी जनाउँदै सरकार विरुद्ध आन्दोलित नेकपा माओवादी लगायतका  दलले आह्वान गरेको नेपाल बन्दका कारण आज पुर्वाअञ्चलको जनजीवन प्रभावित भएको छ। नेकपा–माओवादी, संघिय लोकतान्त्रिक मोर्चा र संघिय समाजवादी सहितका  दलले संयुक्त रुपमा बन्दको आब्हान गरेका हुन् ।

बन्दको अवज्ञा गरेको भन्दै विराटनगरमा कलेज बस तोडफोड भएको छ । बन्दका क्रममा पिपुल्स मल्टीपल हेल्थ इन्स्च्युट विराटनगरको गाडी तोडफोड गरिएको हो ।बन्द कर्ताले सबारीका चालक समेत कुटपिट गरेका छन् । यसैबीच बन्दकर्ता कारण देशभरसहित पूर्वको जनजीवन प्रभावित भएको छ ।

बन्दका कारण बिहानै देखी यातायातका साधन,बजार,बिद्ध्यालय,कल-कारखाना ठप्प छन। यातायात नचलेका कारण सर्बसाधारण हिंडेर गन्तब्ब्यमा पुग्न वाध्य छन। बन्दकर्ताहरु प्रमुख चोक चोकमा बसेर बसेर सवारी साधन चल्न दिएका छैनन ।

 बन्द साँझ 5 बजे पछि मात्र खुल्नेछ । प्रमुख चार दलबीच भएको ११ र २५ बुँदे सहमति खारेज गरी नयाँ सहमतिमा जानुपर्ने माग बन्दकर्ताले राख्दै आएका छन् । बन्दकर्ताले बन्दको बेलामा पनि एम्बुलेन्स, प्रेस र अति आवश्यक सवारी साधनलाई भने चल्न दिएका छन् ।