एक महिनाअघि हत्या गरी फालिएकी स्थानिय राधा मण्डलको हत्यारालाई पक्राउ नगरेको भन्दै सुनसरीको दुहबीवासीले गरेको बन्दका क्रममा प्रहरीसँग झडप भएको छ ।
झडपका क्रममा  प्रहरी र स्थानियवासी गरी एक दर्जन बढी घाइते भएका छन् । स्थितीलाई नियन्त्रणमा लिन प्रहरीले अश्रुग्याँस समेत फायर गरेको थियो । प्रदर्शनकारीले प्रहरीले गोली चलाएर दुई जना घाइते भएको भनेपनि प्रहरीले भने गोली नचलाएको जनाएको छ ।
बन्दका क्रममा स्थानियले केही एम्बुलेन्समा समेत तोडफोड गरी क्षती पुर्याएका छन् । सोको विरोधमा एम्बुलेन्स चालकहरुले इटहरी चौकमा एम्बुलेन्स तेस्र्याएर सडक अवरुद्ध पारेका छन् ।
सुनसरी, जेठ ११