बाबुराम भट्टराईले राजनीति छोड्ने संकेत
Posted by
purwanews
Published on
Tuesday, May 14, 2013
पुर्व प्रधानमन्त्री तथा एमाओवादी पार्टी उपाध्यक्ष बाबुराम भट्टराईले हाल आफूले गर्दै आएको राजनितिबाट पछि हट्ने संकेत गरेका छन् ।
ट्विटरमा गरिएको एक बहसमा बाबुरामले हालको राजनीति छोड्दै अर्थराजनीति तिर लाग्ने बताएका हुन् ।
ट्विटरमा ‘अब राजनीति होइन अर्थ राजनीती गर्ने वाइसिएल परिचालन गर्नुपर्यो । राजनीती अरूले गरून, तपाई अर्थ राजनीति, विकासमा लाग्नुस्, शुभकामना ।’ भन्ने सुझाव आएपछि सुरिएका बाबुरामले भने,’मेरो व्यक्तिगत रूची पनि राजनिति भन्दा अर्थशास्त्र हो र म एमाओवादीले अर्थ लिएको फोकसबाट खुसी छु ।’ बाबुरामले फर्काएको जवाफलाई हजारौले हेरे ।
एउटा सामान्य व्यक्तिलाई सहज जवाफ दिएका बाबुरामले चर्चित पत्रकार गंगा बिसीले प्रश्न सोधेपछि झंसग भएका थिए । बिसीले अंग्रेजीमा एउटा प्रश्न तेर्साइहाले, ‘तपाईको विचारमा तपाईको पार्टी आर्थिक क्रान्तीको लाइनमा हिडेको छ त ?’
आफ्नो ट्विटरबाट समाचार बन्दैछ भनेर बुझिसकेका बाबुरामले अब बिसीलाई गोलमटोल जवाफ दिएर घुमाइदिए ।
अंग्रेजीमा लेख्दै बाबुरामले भने, ‘क्रान्ती भनेकै अग्रगामी रूपान्तरण हो, राजैतिक आधार र आर्थिक आधारमा, पहिलो हामीले अघिल्लो पारमा ध्यान दियौं, अहिले दोस्रो चरणमा ध्यान दिँदै छौ ।
बिसी र बाबुरामको ट्विटर कुराकानी चुपचाप हेरिरहेका, माओवादीकै विरोध गर्न जन्मिएका आरोप लाग्ने गरेका कनकमणीले जवाफ फर्काइहाले ।
उनले बाबुरामलाई पहिलो चरण अर्थात पोलिटिकल सुपरस्ट्रक्चरमा के गर्यौ भनेर बाबुराम विरूद्द धारेहात लगाए ।
ट्विटर नै छिन तनावग्रस्त रह्यो । बहस चर्किन थालपछि एक युवाले बाबुराम र कनकमणिलाई जवाफ दिँदै भने ” दुइ बुढा गोरूले ट्विटरमा उर्लिएर केही लछारिन्न । यो गए गुज्रेको पुस्तानै नेपालको अभिशाप हो । पालो हाम्रो ।’
बाबुराम भट्टराईले यसरी राजनीति छोड्छु भनेपछि यसको दुइ अर्थ लगाइएको छ । उनका समर्थकले बाबुरामले अहिले भइरहेको राजनितिलाई छोडेर देश र उनको पार्टीलाई अर्थप्रधान राजनीति तर्फ डोर्याउन लागेको विश्लेषण गरेका छन् भने कनकमणी दिक्षित लगायतले भने दश वर्षको हिंसात्मक जनयुद्धको स्वामित्व लिनबाट उनी पछि हटेको अर्थ्याएका छन् ।(netptrika)
प्रतिक्रिया दिनुहोस् >>
