सोझी विदूषीलाई भुलेर
नक्कली सुन्दरीलाई सम्मान गर्ने समय हो यो,
खै कसरी खोजुँ आमा तिमीले भनेजस्ती बुहारी
बिच बाटोबाटै कुमारीत्व बेचिरहेको देखेर ।

समयले बगाएछ क्यारे
धर्मले बाँधेका कर्महरु
त्यसैले आज इज्जतभन्दा प्यारो
बैस छ मान्छेलाई ।

निर्दोष गर्भ तुहाएर
वैशदार यौवन साँचिरहेछन् भोलीका आमाहरु
त्यसैले होला ढल्किँदो उमेरसम्म बा बन्न नसकेका बाहरु
जन्माइरहेछ आजको समाज
अनि खस्किरहेछ आमा शब्दको महत्व
म यो भिडभन्दा टाढा निर्दोष आमाहरुको आशिर्वाद थाप्दैछु ।

उनी पैसासँग यौवन साट्दैछिन् बिच बजारमा
भोकाएको घोडालाई दाना देखाएजस्तै गरी
चाउरिएको अनुहारलाई कृत्रिम सुन्दरताले लेपेर
निर्दोष आमा र दिदीबहिनीको महत्व भुलेर ।

भो समय,
उत्ताउलो बन्न छोडिदे,
बरु खोजुँ न आइज मसँगै
हामीदेखि भागेको सभ्य संस्कार ।

कृष्ण कट्टेल, सञ्चारकर्मी
काठमाण्डौ


कृष्ण कट्टेल, सञ्चारकर्मी
काठमाण्डौ