एनेकपा माओवादीका वरिष्ठ नेता बाबुराम भट्टराईले आफ्ना मतदातालाई धन्यवाद दिएका छन्। चार दिनपछि ट्विटमा झुल्किएका भट्टराईले शनिबार साढे दस बजे टाइमलाइनमा लेखेका छन्, मलाई र हाम्रो पार्टीलाई मतदान गर्नुहुने गोरखा १ र रुपन्देही ४ का सबै मतदाताहरु र चुनावी अभियानमा सहयोग गर्ने सबै साथीहरुलाई हार्दिक धन्यवाद ।
संविधानसभा निर्वाचनको साँझ पछिल्लो ट्विट लेखेका भट्टराईले गोरखामा शान्तिपूर्ण ढंगले सम्पन्न चुनावमा आफ्नो लज्जाजनक हार निश्चित भएपछि लाज छोप्न कांग्रेस र एमालेले गरेको दुष्प्रचारको भ्रममा कोही नपरौं भनेका थिए।
गोरखा १ मा शानदार विजय हासिल गरेका भट्टराई रुपन्देही ४ मा भने तेस्रो भएका थिए।