पूर्व सभासद सदरुल मियाँको हत्या
Posted by
purwanews
Published on
Tuesday, May 21, 2013
पूर्वसभासद् सदरुल मियाँ हकको सोमबार राति आफ्नै घरमा सुतिरहेको अवस्थामा हत्या भएको छ । उनको घाँटी रेटी हत्या भएको प्रहरीले बताएको छ । हत्यापछि सप्तरीको कल्याणपूर शोकमग्न छ ।
.jpg)
सप्तरी जिल्लाको कल्याणपुर-२ बिसनपुर चौकमा पेट्रोलपम्पमा रहेको भवनमा सुतिरहेको अवस्यामा राति नै उनको हत्या भएको स्थानीयबासीले बताएका छन् । हत्याराको खोजी गरी कारबाहीको माग गर्दै स्थानियले सप्तरीमा राजमार्ग अवरुद्ध पारेका छन् ।आफन्त र स्थानियले हत्यारालाई पहिचान गरि कारबाही नगरिएसम्म पोष्टमार्टमका लागि शब लैजान नदिएको प्रहरीले जनाएको छ ।
सप्तरीको कल्याणपुरमा पूर्वसभासद मियाको इटाभट्टा उद्योग र पेट्रोलपम्प व्यवसाय छ । बिसनपुर चौकमा आफ्नो घरभन्दा ५ सय मिटर टाढा पेट्रोल पम्पमा उनको हत्या भएको हो । मियाँ २०६४ सालमा सप्तरी क्षेत्र नंबर ५ बाट संविधानसभाका लागि स्वतन्त्र उमेद्वारको रुपमा निर्वाचित भएका थिए ।
कल्याणपुर निवासी मियाले स्वतन्त्र उमेद्वारका रुपमा १० हजार ६ सय ३ मत ल्याएर जितेका थिए । मियाँ नेपाली कांग्रेस पृष्ठभूमिका व्यक्ति हुन ।पूर्वसभासद मिया एमाओवादी अध्यक्ष प्रचण्ड नेतृत्वको २० दलीय गठबन्धनको सदस्य समेत भएका थिए । । घटनाको बारेमा अनुसन्धान भईरहेको प्रहरीले जनाएको छ।
प्रतिक्रिया दिनुहोस् >>
