जनताकै लगानी र शहअभागीतामा सेरा खोलामा बनेको पुल । तस्बिर : त्रिभुवन बिरही

‘आफ्नो गाउँ आफैं बनाउ’ भन्ने नारा अहिले पनि लोकप्रिय छ । २०५१ सालमा नेकपा एमालेको ९ महिने सरकार चलाएको बेला ल्याएको यो कार्यक्रमको मूख्य अभिप्राय भनेको ‘स्थानीय विकास निर्माणमा जनताको नेतृत्व होस्’ भन्ने थियो ।अहिले सुनसरीको पाचकन्या बासीले त्यो कार्यक्रमको आशय पुरा गर्न लागि परेका छन् ।

 स्थानीय सेरा खोलामा पुरा नहँुदा भोग्नु परेका समस्याबाट बल्ल उनीहरुले पार पाएका छन् । सेरा खोलामा पुल बनेपछि पानवारीबाट सेउती हुँदै इटहरी र धरान पुग्न सकिन्छ । तर सिधा धरान–पानवारी गर्न चाहीँ अर्काे समस्या छ, सेउती खोला । सेउती खोला धरान–पानवारी सडक खण्डमा पर्ने ठूलो खोला हो, जहाँ आवतजावत गर्न तथा सवारी साधन कुदाउन पुलको आवश्यकता छ ।
निकट भविष्यमा पा“चकन्या गाविस धरान नगरपालिकामा गाभिने निश्चित छ । तर सम्पन्न र सुविधायुक्त नगर धरान र त्यसकै ३ किलोमिटर टाढा रहेको पा“चकन्यालाई जोड्ने सेउती खोला भने बाधक बनेको छ । सरकारले प्रयाप्त आश्वासन दिने तर कार्यक्रम र बजेट नदिने प्रथालाई बुझेर पाँचकन्यावासी सेउती खोलामा पुल बनाउन आफैं कम्मर कसेर लागेका छन् ।

जनसहभागीतामै सेउती खोलामा पुल बनाउन लागिएको स्थान । तस्बिर : त्रिभुवन बिरही

स्थानीय सेरा खोलामा ३५ मिटर लामो पुल १ करोड ६० लाखको लगानीमा निर्माण सम्पन्न गरेर उदाहरणीय बनेका पाँचकन्यावासीले अब सेउती खोलाको पुल पनि आफ्नै रेखदेखमा गर्ने भएका छन् । “सरकारले बनाइ देला जस्तो हामीलाई लाग्दैन त्यसैले आफै बनाउन लागि परेकाछौं ” सेउती खोला पुल निर्माण समितिका अध्यक्ष मानबहादुर योञ्जनले भने । “कुल लागतको ३० प्रतिशत लगानी हामी गर्छौं सरकारसँग ७० प्रतिशत मागेका छौं”  योञ्जनले भने यदी सरकारले नदिए आफैं बनाउँछौ । यदी सेउती खोलामा पुल बने पाँचकन्या, ठिङ्गाबारी, याङ्सीला लगायतका गाविसका जनताले प्रत्यक्ष लाभ उठाउने छन् । पाँचकन्याको र आसपासका क्षेत्रहरुमा विकासका कामले पनि तिव्रता पाउनेछन् । पाँचकन्या गाविसका पूर्व अध्यक्ष रमेश बस्नतेले सरकारको लागत सहभागिता कार्यक्रमका योजना पार्ने पहल भइरहेको जनाए । “हामीले सरकारबाट रामै्र आश्वासन आएको छ” बस्नेतले भने –“अब असोज सम्म बाटो हेर्छौ, सहयोग नआए आफैं बनाउँछौ ।” पुल निर्माणमा कति खर्च लाग्छ भन्ने यकिन भइसकेको छैन बस्नेतले भने १ करोड भन्दा बढी खर्च लाग्ने देखिन्छ ।

(बि ए सि न्युज )